Ezagutu gaitzazu

Mutuak ematen dituzten zerbitzuak

Orrialdearen edukia

Lan-istripurik eta Laneko gaixotasunik gerta ez dadin, eta, bide batez, elkartutako enpresetan segurtasun eta higiene baldintzak hobetzeko, Lan-istripuen Mutuek gertagarri horien prebentziozko lanak garatzen dituzte.

Mutuek ematen dituzten zerbitzuak

Lan-istripua gertatu edo laneko gaixotasuna garatu denean, Lan-istripuen Mutuek osasun-asistentzia ematen diete langileei (medikuen kontsultak, farmazia asistentzia, prozedura kirurgikoak, protesiak, errehabilitazioa). Istripuen kasuan, behin gertatuta, baliteke langileak lana utzi behar izatea. Halakoetan, Mutuak langile horri dagozkion diru-prestazioak emango dizkio. Era berean, langileak lesio iraunkorrak jasaten baditu, Mutuak dagozkion kalte-ordainak ordainduko dizkio. Bide beretik, Gertagarri arrunten edo Lanez kanpoko istripuen ondoriozko Aldi baterako ezintasun kasuetan ere emango dizkio Mutuak langileari dagozkion diru-prestazioak.

Horrezaz gain, FREMAPek aintzat hartzen ditu egoera larrian dauden langileak eta haien senitarteko onuradunak ere. Horientzako diru-laguntzak eta bestelakoak ematen ditu, bizi duten egoeraren gordintasuna arintze aldera (arreta psikologikoa, prestazio bereziak, eta abar).

Zerbitzu hauen antolaketa, kalitate eta zabaltasuna (legez ezarritakoa beti betez) Mutua desberdinen arabera aldatu egiten da. FREMAP sektoreko burua da, ez alferrik: eskaintzen dituen zerbitzuen artean, "Arrisku profesionalaren erabateko kudeaketa"ren kontzeptua sortu du, lan-istripuaren arreta osoagoa egitea xede duena, ikuspegi guztietatik begiratuta (gizatiarra, medikoa, ekonomikoa eta soziala).

Testuinguru horretan, FREMAPek prebentziozko eta osasunari lotutako ohiko zerbitzuez gain, askoz gehiago ere eskaintzen die langileei: Gizarte-laguntza, Psikologia Klinikoa eta Errehabilitaziokoa, Lanbide-orientazioa, Lanbide Heziketa, eta istripuaren eraginez urritasun edo ezintasunen bat dutenentzako Laneratzeko trebakuntza.